Kundi tú hugsað tær at vita, hvussu tú kanst byggja ein sterkari felagsskap og góðar karmar fyri sjálvboðin í tínum felagsskapi?  Og ert tú áhugað/ur í at knýta nýggj vinarbond við onnur ung úr Grønlandi og Danmark?

Kom so við Sjómaq á námskeið um at styrkja felagsskapin millum ung tann 29. august – 1. september 2024 í Norðurjútlandi. 

 

Á skeiðinum verður tikið útgangsstøðið í fylgjandi spurningum:

- Hvussu er støðan hjá sjálvboðið arbeiði í Danmark, Grønlandi og Føroyum?

- Hvussu skapa vit ein sunnan felagsskap?

- Hvussu tryggja vit, at felagsskapurin eisini er til um eitt ella tvey ár?

- Hvussu skapa vit ein felagsskap har fólk hava áhuga og møguleika fyri at luttaka? Og har fólk tíma at taka ábyrgd?

​

Málsetningurin fyri skeiðið er at fáa eina rúgvu av vitan við heim, sum tú bæði kann brúka í gerandisdegnum hjá tær sjalvum og tínum felagsskapi. Her verður eisini lagdur dentur á at skapa eitt gott samband millum londini, tí er hetta eisini ein góður møguleiki at víðka títt netverk og annars bara fáa ein fantastiskan túr.

​

Ljóðar hetta spennandi, ber til at fara inn á heimasíðuna hjá Sjómaq. Har finnur tú longu eina fyribils skrá og eisini svar uppá flestu praktisku spurningarnar.

Heimasíðuna finnur tú eisini her.

​

​

​

​

Umsóknarfreistin er tann 17. juni kl. 23.59 og umsóknarblaðið finnur tú her.

​