Viðtøkur fyri MFS

Viðtøkurnar fyri MFS, sum samtykt á aðalfundi ráðsins 2018. 


Kapittul 1

§ 1. Navn felagsins er Meginfelag Føroyskra Studenta (The National Union of Faroese Students), stytt MFS.

§ 2. Endamál felagsins er at skipa allar føroyingar, ið eru undir hægri útbúgving bæði uttanlands og í Føroyum, í ein felagsskap og røkja áhugamál teirra.

§ 3. Felagið er óheft av partapolitikki og átrúnaði.


Kapittul 2

§ 4. Felagið verður stjórnað av einum ráði við í mesta lagi 11 limum.

§ 5. Ráðið verður valt á aðalfundi í tíðarskeiðinum juli – august mánaði á hvørjum ári.

 •   Stk. 2. Valbæri og vælrætt hevur einhvør føroyingur ið er undir hægri lesnað, ella hevur verið undir hægri lesnað seinastu tvey árini, ið luttekur á aðalfundi. Ráðið føroyingur merkir studenturm meirilutavali fyri eitt  t greinum verður valt við vanligum meirilutavali fyri eitt ár og situr, til nýval hevur verið.

•   Stk. 3. Uppskot til broytingar í reglugerðunum hjá MFS til aðalfundin, skulu latast inn 7 dagar áðrenn aðalfundin.

§ 6. Aðalfundurin skal verða lýstur í seinasta lagi 14 dagar áðrenn fundin. Lýst verður við aðalfundi í Fjølnir, í miðlunum, á sosialu miðlunum ella á annan tryggjandi hátt.

         •     Stk. 2. Eykaaðalfundur kann vera umbiðin av meirilutanum av ráðslimunum ella av øðrum persóni, um umbønin er væl grundað og hevur stuðul av 1/3 í ráðnum

•   Stk. 3. Eykaaðalfundurin hevur somu heimildir sum aðalfundurin.

•   Stk. 4. Skrá skal fylgja við umbønini um eykaaðalfund. Skráin kann víkja frá krøvunum til skránna til vanligan aðalfund. Eykaaðalfundurin verða áðrenn 28 dagar frá umbønini at rokna.

§ 7. Hvør luttakari á aðalfundinum, ið hevur atkvøðurætt, kann atkvøða fyri upp til 11 valevnum.

§ 8. Á aðalfundinum skal skráin í minsta lagi fevna um:

•   1. Frágreiðing ráðsins frá virki felagsins síðani seinasta val og viðgerð av hesum.

•   2. Framløga av grannskoðaðum roknskapi fyri seinasta roknskaparár og viðgerð av hesum.

•   3. Val av nýggjum ráði.

•   4. Ymiskt

§ 9. Ráðið skipar seg sjálvt eftir aðalfundin á 1. ráðsfundi.


Kapittul 3

§ 10.  Á fyrsta fundi í nývalda ráðnum skal skráin í minsta lagi fevna um:

  • 1 Val av formanni, næstformanni, skrivara og kassameistara í ráðnum.

  • 2 Ráðið mannar seg í nevndir við einum ráðslimi sum umboðsmanni fyri hvørji nevnd.

  • 3 Val av grannskoðara.

  • 4 Innanhýsisskjøl um mannagongdir í felaginum skulu gjøgnumgangast, soleiðis at ráði byrjar ráðsárið við einum felagsstevið.

•   Stk. 2. Gamla ráðið stýrir fundinum til formaðurin í nýggja ráðnum er valdur, síðani tekur hann við.

•   Stk 3. Nýggja ráðið skal alment lýsa niðurstøðuna av aðalfundinum við at senda út tíðindaskriv.


Kapittul 4

§ 11. Formaðurin í ráðnum kallar ráðið saman og stýrir fundinum. Berst honum frá, er næstformaðurin tiltaksfólk hansara. Skrivarin skal festa á blað alt, sum fer fram á fundi.

•   Stk. 2. Kassameistarin skal leggja fíggjarstøðuna fram á hvørjum ráðsfundi.

§ 12. Ráðsformaðurin skal kalla ráðið saman, um minst helvtin av ráðnum krevur tað.

•   Stk. 2. Ráðsfundurin skal lýsast skrivliga við skrá og við 7 daga freist.

§ 13. Á lógliga lýstum fundi kann ráðið viðgera øll mál, ið eru lýst í fundarskránni og taka avgerð í somu málum, um minst helvtin av øllum ráðslimunum atkvøður fyri málinum.

•   Stk. 2. Um tað stendur á jøvnum við atkvøðugreiðslu í ráðnum, er atkvøða formansins avgerandi.

  • Stk. 3. Til ber at leggja fram mál, ið ikki eru lýst í fundarskránni, um ráðið samtykkir hetta.

§ 14. Berst ráðslimi frá at møta ella leggur hann frá sær, tekur tann við, ið flestar atkvøður hevur av teimum, ið ikki gjørdust limir í ráðnum.

§ 15. Limir í ráðnum hava tagnaðarskyldu viðvíkjandi kjakinum til ráðsfund, men ikki viðvíkjandi niðurstøðum, ið vera tiknar til fundirnar.

  • Stk. 2. Ráðið kann áleggja ráðslimunum tagnarskyldu í ávísum førum.


Kapittul 5

§ 16. Roknskaparár felagsins er frá 1. januar til 31. desember.

•   Stk. 2. Kassameistarin hevur ábyrgdina av ogn, bókhaldi og roknskapi felagsins.

•   Stk. 3. Allar óvanligar útreiðslur, ella søla av ognum felagsins, skulu játtast skrivliga av formanninum í ráðnum ella av einum ráðslimi, ið hevur fingið hesa heimild frá ráðnum. Tann, ið hevur kassan um hendi, kann ikki játta óvanligar útreiðslur, ella sølu av ognum felagsins.

•   Stk. 4. Roknskapurin skal verða grannskoðaður av grannskoðara, ið er valdur av ráðnum. Ráðslimir kunnu ikki vera grannskoðara.


Kapittul 6

§ 17. Broytingar í viðtøkum felagsins kunnu einans fara fram vid atkvøðugreiðslu á aðalfundi felagsins. Til hetta krevst, at minst 3/5 av atkvøðunum eru fyri broytingunum.

•    Stk. 2. § 18 kann einans verða broytt um í minsta lagi helvtin av luttakarunum við valrætti á   aðalfundinum atkvøða fyri tí.

§ 18. Felagið kann einans verða avtikið, um í minsta lagi helvtin av luttakarunum við valrætti á aðalfundinum atkvøða fyri tí Verður felagið avtikið, skal Føroya Landsstýri gera av, hvat skal verða av ognum felagsins. Tó skulu allar bøkur og øll skjøl verða latin Føroya Landsbókasavni.