Flogvit er nýggja heitið fyri stuðulin. Áður kom stuðulin úr GFSL, ið var stytting fyri Grunnurin Fyri Styttri Lestrarferðir.

Talan er um eitt amboð hjá MFS at stuðla lesandi í teirra lestri. Endamálið við Flogvit er at stuðla ferðing í samband við innsavnan av tilfari til uppgávur, ið snúgva seg um føroysk viðurskifti. Tað merkir við øðrum orðum, at MFS-limir kunnu fáa ískoyti til lestrarviðkomandi ferðing frá MFS.

​

Tað er Ráðið, ið hevur viðgerðina av umsóknum um hendi, og metir Ráðið í hvørjum einstøkum føri um, hvørt galdandi krøv verða lokin. Fyri at fáa játtað stuðul er m.a. neyðugt at lata MFS avrit av uppgávuni, ið er gjørd í samband við ferðina ella í øðrum føri grein til bløðini hjá MFS. Eisini skal váttan frá lærustovninum um, at ferðin er partur av uppgávuskrivingini, latast felagnum. Les annars meira um krøv í samband við umsóknina í reglugerðini fyri Flogvit her á síðuni.

​

Freistir at søkja

Flogvit verður játtað tvær ferðir um ári, á vári og á heysti. Freistir at søkja eru 1. apríl og 1. oktober á hvørjum ári.

Ferðing, sum stuðul verður søktur til, skal vera farin fram í tí tíðarskeiðinum, sum søkt verður til. Verður t.d. søkt 1. oktober skal ferðin vera farin fram í tíðarskeiðinum mei-september sama ár.

​

Tak umsóknarblað niður her

​

Treytir fyri at fáa stuðulin:

​

Grein 1

Endamálið við ferðini er at stuðla ferðing í samband við innsavnan av tilfari til uppgávur, ið snúgva seg um føroysk viðurskifti.

 

Grein 2

Ráðið hjá Meginfelag Føroyska Studenta (MFS) hevur viðgerðina um hendi. Innkomnar um umsóknir verða viðgjørdar á fyrsta nevndarfundi eftir 1. Apríl og 1. Oktober.

​

Grein 3

Roknskapurin hjá grunninum er serstakur partur av roknskapinum hjá MFS.

​

Grein 4

Umsøkjarin skal lata inn umsóknarblað, ið fæst frá MFS. Á umsóknarblaðnum skal upplýsast um:

* Navn og bústað.
* Hvagar gekk ferðin.
* Endamálið við ferðini.

Harumframt skal fyriliggja:

* Ferðaseðlar ella váttan um hesar.
* Avrit av uppgávu ella annað, ið var gjørt í samband við ferðina, til dømis grein um evni, ið kann latast Fjølni.
* Váttan frá lærustovni um, at ferðin er liður í útbúgving umsøkjarans.

​

Grein 5

Fyri at stuðul skal gevast, skulu – umframt treytirnar í grein 4 – hesar treytir verða uppfyltar:

* Umsøkjarin skal vera limur í MFS.
* Umsøkjarin hevur ikki fingið Flogvit stuðul áður í sama ári.

​

Grein 5, stk. 2

MFS metir í hvørjum einstøkum føri, um tað er fíggjarliga ráðiligt, at lata stuðul.

​

Grein 6

Stuðul verður bert givin fyri ferðaútreiðslur. Áljóðandi virði er av ráðnum sett til 1500 kr. fyri hvønn umsøkjara.

Eru ferðaútreiðslurnar minni enn áljóðandi virði, verður stuðulin givin, svarandi til ferðaútreiðslurnar.

​

Grein 7

Uppgávan verður latin uppgávusavninum hjá MFS og Landsbókasavninum, har hon verður skrásett og kann lænast.

Eru so mikið av upplýsingum givnir í trúnað, at uppgávan missir sítt innihald, og sostatt ikki kann brúkast, skal hetta váttast av læristovninum. Annað tilfar skal tí latast, sí grein 4 e).

​

​

​