Beint nú riggar (næstan) einki!
MFS er nú í gongd við at seta upp nýggja heimasíðu. So beint nú er nógv ymiskt, ið ikki riggar sum tað skal. Vinarliga haldi okkum til góðar.
Fjølnir #1 2010 er komi út
Blaðnevndin hevur í ár lagt nógva orku í at seta gongd aftur í Fjølnir. Fyrsta útgávan í hesum árgangi er nú klár og nevndin frøðist yvir at kunna bjóða hana fram bæði í prenti og í talgildari útgávu á alnótini.
Í fyrstu syftu senda vit størri nøgdir av blaðnum til Danmarkar, Ísland og Aberdeen. Í Danmark er blaðið at fáa í Føroyingahúsinum frá Jógvan. Í Íslandi ber til at spyrja Sølva og í Martin tekur bløðini við til Aberdeen tann 20. september. Eisini vera bløðini at fáa á Setrinum.
Sum sagt, so ber nú til at lesa blaðið á alnótini. Blaðið er at finna her. Eisini er nú ein síða um Fjølnir á okkara MFS-Wiki. Øll eru vælkomin at hjálpa okkum at skriva hana.
Blaðstjóri Regin Berg takkar blaðnevndini og øllum, ið hava hjálpt okkum at fáa blaðið klárt. Hevur tú áhuga at vera við til næsta blað ella at hjálpa á annan hátt, eru vit at finna á kjaktorginum her.
Dagur teirra lesandi
Norðuratlantsbólkurin á Fólkatingi bjóðar nú øllum føroyskum og grønlendskum lesandi í Danmark inn á Christiansborg til upplýsandi fund um arbeiðið á Fólkatingi fríggjadagin 31. mars.
Umframt at hitta limirnar í norðuratlantsbólkinum, fáa tey lesandi møguleikan at hoyra og kjakast við fleiri framstandandi danskar politakarar, sum fara at bera sína hugsan fram um samstarvið millum Danmark, Føroyar og Grønland. Millum nøvnini sum verða á fundinum eru: Helle Thorning-Schmidt, Connie Hedegaard, Bertel Haarder o.o. Meir um skránna fæst at vita við at trýsta her.
Í samband við tiltakið verður skipað fyri ókeypis busstúri aftur og fram frá Aalborg, Århus og Odense. Tekning til bussferðina fer fram við at venda sær til grønlendska studentafelagið DKIK (hb@dkik.gl). Bussurin koyrir heimaftur dagin eftir, so neyðugt er at ein sjálvur syrgir fyri innivist í keypmannahavn tann 31. Tíðarætlan verður sent tykkum seinni.
Aftaná fundin á Christiansborg skipa MFS og DKIK fyri hugankvøldi á Føroyahúsinum í Keypmannahavn kl. 19.00. Á skránni verður borðhald við góðum mati, undirhald og tónleikur við Trónda Enni og Eyðun Nolsøe umframt eitt grønlendskt orkestur. Vælkomstdrykkur og 2 øl eru íroknaðar prísin. Hugnakvøldið endar kl. 01.00. Tá gongur leiðin víðari í býin (á Skarv sjálvandi).
Tilmelding til hetta tiltakið fer fram við at senda ein teldupost til: jphelgason@yahoo.com ella mfs@mfs.fo, ella við at ringja til MFS-skrivstovuna týsdag- og fríggjadag frá 14-18. Tilmeldingarfreistin er fríggjadagin 24. mars. Kostnaðurin fyri hugnakvøldið er einans 100 krónur, sum rindast við dyrnar.
Tiltak á Christiansborg 16. November
Fríggjadagin, 16. November 2007, verður stórt politiskt tiltak á Christiansborg, fyri øllum føroyskum, og grønlendskum, lesandi!
Evnið verður “Farvel til bloktilskudet – og hvad så?”
Tað er Norðuratlants bólkurin á Christiansborg, ið skipar fyri, og tiltakið er frá kl. 12.00 – 17.00.
Skipar verður fyri ókeypis bussferðum úr Jyllandi, og Fyn, í samband við tiltakið, men tó er neyðugt við tilmelding!
Um kvøldið verður veitsla við góðum mati, dansi, tónleiki og undirhaldi, og ikki minst hugnaligar samveru fyri føroysk og grønlendsk lesandi. Eisini her er neyðugt við tilmelding!
TILMELDING FER FRAM >> HER <<
SKRÁIN FYRI TILTAKIÐ FINST >> HER <<
J-Dagur í Føroyahúsinum
Hóskvøldið 1. November verður J-Dagur í Føroyahúsinum í Keypmannahavn.
Finnur Jensen – frá Páll Finnur Páll – fer á pallin!
Tiltakið byrjar kl. 19.00 og heldur fram til kl. 23.00
Millum kl. 19.00 – 20.00 kostar Jóla-ølin einans 1. kr! Og síðani hækkar prísurin 5 kr. hvønn hálva tíman. (Tó er avmarkað nøgd!).
Tiltakið er ÓKEYPIS fyri limir í MFS! Og 30 kr. fyri ikki-limir.
Hetta kvøldið er møguligt at melda seg sum lim fyri einans 100 kr., og harvið fáa tiltakið ókeypis.
Demostratión ímóti niðurskeringum
Komandi týsdag – 2. oktober – verður demostratión ímóti ætlaðu niðurskeringunum hjá sitandi samgongu í Danmark.
Hendan niðurskeringin kemur m.a. at raka tey lesandi, og tey í hava børn. Tískil skipa fleiri arbeiðarafeløg, o.o., fyri demostratión nú týsdagin, á Christiansborgs Slotsplads kl. 16.30.
Tey í hava áhuga kunnu møtast saman við MFS í Føroyahúsinum í Keypmannhavn – kl. 16.00 – og síðani verður gingið til Christiansborgs Slotsplads saman.
Meira fæst at vita á: www.2oktober.dk
(MFS sjálvt tekur ikki støðu til demostratiónina, men vil bert vísa limunum á, at hon verður.)
Markleys Útbúgving 2007/08
Markleys Útbúgving 2007/08 verður hósdagin 27. september. Tá verður góður møguleiki at fáa lestrarvegleiðing um útbúgvingar í Føroyum, Danmark og fleiri øðrum londum. Tiltakið verður fyrst umborð á Smyrli, og tá verður tað eisini, fyri teir elstu flokkarnar í miðnámsskúlunum. Um kvøldið verður so sama tiltak á Handilsskúlanum í Tórshavn, og tá eru øll sum hava áhuga fyri útbúgving, hjartaliga vælkomin.
Meira fæst at vita hjá Altjóða Skrivstovuni.
G! Festival café kvøld
Nú komandi hóskvøld – 31. Mei – verður spennandi G! Festival café kvøld í Føroyahúsinum í Keypmannahavn.
Á skránni er sitikonsert við besta nýggja bólkinum í Føroyum “Boys In A Band”, Búi Dam og Ása Vraae úr bólkinum “BUDAM” fara at framføra teirra stórstu hitt, og oddafiskurin aftanfyri G! Festivalin, Jón Tyril, fer at greiða frá bólkunum, og tónleikinum, á komandi G! Festivalið.
Hetta kvøldið verður enn einaferð møguligt at ogna sær Festivalpass fyri serligan lima-prís.
Festivalpass til G! Festivalin kosta hetta kvøldið einans 895 kr,- !!! Hetta er ein sparing pá 200 kr,-! (Prísurin er í løtuni 1095 kr,-)
Fyri at kunnu nýta hetta serliga tilboðið, mugu limirnir persónliga møta upp í Føroyahúsinum, og keypa tað har hóskvøldið. (Bert 1 billett pr. lim!).
Tiltakið er ÓKEYPIS fyri ØLL! Tó kunnu einans limir í MFS gera sær dælt av serliga Festival prísinum.
Um tú ikki ert limur, so er møguligt at tekna seg sum lim við dyrnar fyri hálvan prís!!! (Vanligur prísur 150 kr um árið – hetta kvøldið einans 75 kr,-)
>> TILTAKIÐ BYRJAR KL. 19.00 OG HELDUR ÁFRAM TIL KL. 23.00 <<
_____
Leygarkvøldið 2. juni. Operaen, Christiania:
FØROYSKUR DANSUR Á PUSHERSTREET
TÝR
PÉTUR BEN (ÍS)
BOYS IN A BAND